Main kattai kattarpanthi Hindu nahin hoon. Mere man main jatiwaad ki bhavna mere sanskaroun ne panapne hee nai dee, na hee maine apne dharm ka bakhaan karne ka bigul bajane ki thaani hai. main eak seedha saadha, aam bharatwaasi hoon jiska dharm HINDU hai, aur Hindu main bhi Brahmin. Jab Babri masjid ko giraya gaya tho nischit maaniye mujhe utna hee dard hua jitna kisi bhi aam musalmaan ko hona chahiye, halaanki mere kucch ashikshit HINDU mitroun ne bhagwa rang ka kapda maathe per baandh kar "JAI SHRI RAAM" ke naare lagaye, lekin mujhe kast hua, kisi bhi insaan ke dharm se khilwaad karna, uske dharm ko dutkar dena bahut sharm ki baat hai. aur koi bhi dharm duniya main kisi doosre dharm ka apman karna nahin sikhata, aur jab Babri masjid giri tho mujhe apne HINDU hoke bhi kucch na kar paane ki chatpatahat ne sharminda kiya. main kucch nahin kar sakta tha, us mamle main koi kucch nai kar sakta tha, kyounki jahil insaanoun per us wakht vehshi darindo ne dera daal liya tha. Acharya dharmendra, Pravin Togadiya sareekhe jaahil log us wakht achanak kukurmutte ki tarah ug kar ham hee ko hindu ka paath padhane chale, ye in kattarpanthi dukandaroun ka niji fayeda tha. Khair, jab bhi main us baare main sochta hoon main dukhi aur vichalit ho jata hoon. Dukhi isliye kyounki HINDU hoke maine kahin na kahin kisi doosre dharm ko apmanit kiya, aur vichalit isliye ki main kucch bhi na kar paaya, lekin aaj us durghatna ko beete 15 saal ho gaye per aaj pehli baar mujhe laga ki koi kahin mere dharm ko bhi apmanit kar raha hai. RAM ke hone per hee prashn chinh laga diya? are moorkhoun, RAM koi vyakti ya bhagwan se badh kar eak vichar hain, aur eak vichar ke hone na hone per bhi prashn chinh? aur who bhi itne saaloun baad, aur ye bhi jante hue ki iske parinaam kya honge? us dhartee per khade hoker jisper RAM naam lene se hee insaan apme ko pavitra maan leta hai, usi dhartee per khade hoker prashn chinh? ASI jaise tucch sarkaareeee mehakman ab ye nirnae lega ki hamko apne bhagwan ko manna bhi chahiye ya nahin? ismain waise ASI itna dosh nai hai jitna sarkar ka hai. maine waise aaj tak congress ko eak behtar party maana hai (ho sakta hai azaadi ki ladai main congress ke samarpan ke liye). is tarah ke gade murde ukhaad kar ham sirf aur sirf dharmik bhawnaoun ko thes pahucha kar eak doosre ke khilaaf ghrina karne kee hafa dete hain aur kucch nai. agar sarkar na chahtee tho ASI aisa kadam utha hee nai saktee the, aur agar usne aisa kadam uthaya hai tho iska matlab ki sarkar hee itne ghair zimedar hai ki apne hee afsarshahoun per lagaam nahin kasss sakteee. main manmohan singh sahab ki izaat karta hoon aur unhone jo kiya who koi aur nahin kar paaya per agar is tarah ke vivadit mudde uthte rahenge tho kalam ne tho choodiyan nahin pehnee hain, who shaant nahin baithegi. aur agar aise be ser pair ke mudde uthte rahe, tho who din door nahin jab GANDHI ke hone per bhi jald hee prashn chinh lag jayega........ JAI SRI RAAM
2 comments:
World leaders have long known that the way to repress the people is to keep them ignorant. This principle was developed by Satan himself and is being used most effectively on our generation. This is really disgusting and disheartening that our inner soul's thoughts and assumptions are being questioned and blamed and clamed just coz politically this would help their seatz existance. Its the unity of young gerneration and effort of some trendsetters like you 'Vivek' which can take the coming generation into the realm where there would be trust on onez own faith and nobody would dare to blame and claim our own belief and cherish it with open hands ......Ram mere mann main hai.... mann ka aanntt mumkin nahi..Ram mere rome rome main hai... usko kisi gawah ki zaroorat nahi...Jai Shree Ram
Great Storry Viki (-:
Post a Comment